Штогод 18 траўня адзначаюць Міжнародны дзень музеяў. У 2022 г. Міжнародная рада музеяў (ICOM) вызначыла тэму святкавання – «Сіла музеяў», а на афіцыйным сайце ICOM гаворыцца: «Музеі валодаюць сілай мяняць свет вакол нас. Гэта ўнікальныя месцы, якія дазваляюць нам вывучыць мінулае і адкрыць розум для новых ідэй – а гэта два найважнейшыя крокі да будаўніцтва лепшай будучыні».
У рамках святкавання Міжнароднага дня музеяў да нас далучыліся музеі школ горада і раёна. Разам мы арганізавалі фестываль "Музей у музеі" і правялі яго пад дэвізам "Гістарычная памяць: сувязь часоў і пакаленняў", прымеркаваўшы свята да Года гістарычнай памяці ў Беларусі.
У музейным фестывалі прынялі ўдзел 18 школ горада і раёна. Кожны школьны музей паказаў сваю ўнікальнасць і непаўторнасць, выступіўшы з індывідуальнай праграмай.
Адкрывала мерапрыемства сярэдняя школа № 8 г. Ваўкавыска з польскай мовай навучання. Свой паказ хлопцы і дзяўчаты прысвяцілі безназоўнаму герою горада Ваўкавыска, служба якога праходзіла ў гады Вялікай Айчыннай вайны.
Вучні 10 класа сярэдняй школы №3 прысвяцілі сваё выступленне ўдзельніку Вялікай Айчыннай вайны, камандзіру 475 армейскага мінамётнага палка 3 арміі Мудрэнку Якаву Кірылавічу. Падпалкоўнік Мудрэнка быў смяротна паранены ў ліпені 1944 г. і пахаваны на цывільных могілках па вул. Савецкай, воінскае пахаванне № 2534. Вучні сярэдняй школы № 3 узялі шэфства па акультурванні і доглядзе магілы падпалкоўніка Мудрэнкі.
Вучні Рэплеўскай школы ўспаміналі героя-земляка ветэрана вайны Шынкеля Мікалая Іосіфавіча. Мікалай Іосіфавіч служыў падчас Вялікай Айчыннай вайны і, як любы салдат, пісаў лісты з фронту. "Ліст з фронту" лёг у аснову інсцэніроўкі навучэнцамі школы. Арыгінал ліста захоўваецца ў фондах школьнага музея.
Леаніда Сядова і Аляксея Хабарава згулялі вучні гімназіі № 1. Хлопцы інсцэніравалі момант, калі 14 ліпеня 1944 г. над горадам Ваўкавыскам быў узняты сцяг Перамогі.
Сярэдняя школа №2 прэзентавала відэа ролік, у якім расказалі пра баявы шлях Аляксея Карпюка, камандзіра атрада ім. К. Каліноўскага.
Вучаніца Вярэйкаўскай школы выступіла ў ролі Ніны Хомка, якая падчас вайны, будучы 15-гадовым падлеткам, выратавала піянерскі сцяг.
Навучэнцы раённых школ Гнезна, Ізабелін і Юбілейны расказалі пра сваіх герояў-землякоў, суправаджаючы аповяд відэа ролікам.
Краснасельская сярэдняя школа ўспамінала аб партызанскім атрадзе «Піянерская схованка», якая дзейнічала ў вёсцы Карпаўцы. Таксама вучні прадэманстравалі экспанаты з фондаў школьнага музея.
Эмацыйнае і запамінальнае выступленне прадэманстравалі вучні сярэдняй школы №4.
Рабяты паказалі фрагмент, заснаваны на рэальных падзеях: дзяўчына-остарбайтэр, гнаная гестапаўцам на працу ў Нямеччыну, у дарозе пісала лісты маці і бацьку дадому на Радзіму. Прататыпам дзяўчыны стала Гушчо Людміла Міхайлаўна, у 19 гадоў немцы вывезлі яе ў Германію. З чужыны дзяўчына ў вершаванай форме пісала лісты радным, прасякнутыя болем і нудой па роднай зямлі і блізкім людзям.
Мацвееўская школа выступіла з прэзентацыяй аб Нізянскіх камсамольцах-падпольшчыках.
Гімназія №2, Падароская, Шылавіцкая і Субоцкая школы выступілі з тэмай «Гістарычная памяць: жаночы твар Перамогі». Навучэнцы школ успаміналі жанчын, якія ўдзельнічалі ў вайне, якія імкліва ішлі да перамогі, з дня ў дзень набліжаючы доўгачаканае свята.
Памяць Загорскага Яўгена Пятровіча, вязня лагера Майданак, прасякнута сумнымі ўспамінамі. Пра горкі лёс і нялёгкі шлях Загорскага А.П. расказалі вучні сярэдняй школы № 7 г. Ваўкавыска.
