Установа культуры «Ваўкавыскі ваенно-гістарычны музей імя П.І. Баграціёна»

Заснаваны ў 1935 г. як краязнаўчы музей. 3 1953 г. — ваенна-гістарычны музей імя П.I. Баграціёна. Заснавальнік музея — краязнаўца Г.I. Пех. З 1949 г. экспазіцыя размяшчаецца ў сядзібным доме, у якім у чэрвені 1812 г. знаходзілася штаб-кватэра 2-й Заходняй арміі. У музеі 8 экспазіцыйных залаў. Фонды музея налічваюць 47,1 тыс. адзінак захоўвання. У калекцыях музея — археалагічныя знаходкі, зброя і ваенны рыштунак, рукапісныя і друкаваныя дакументы, фотаздымкі, нумізматыка, творы жывапісу і графікі першай паловы XIX ст. Экспануецца старажытнае ўзбраенне: лук і арбалет, баявыя сякеры, кальчуга і меч, даспехі нямецкага рыцара і крыжацкі меч часоў Грунвальдскай бітвы, у якой прымала ўдзел ваўкавыская харугва. Халодная зброя XVI - пач. XIX стст. прадстаўлена алеоардамі, палашамі, пратазанамі, шаблямі; агнястрэльная — пісталетамі, стрэльбамі, гарматай, адлітай у 1782 г. У экспазіцыйных залах, прысвечаных тэме «Вайна 1812 года», - мундзіры і галаўныя ўборы рускай і напалеонаўскай армій, генеральскія даламаны і менцікі, экспанаты. Матэрыялы экспазіцыі «Войны XX стагоддзя» расказваюць аб падзеях Першай і Другой сусветных войнаў на тэрыторыі Ваўкавыскага раёна. Экспануюцца матэрыялы археалагічных раскопак на Шведскай гары — першым паселішчы.


Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Дадатковыя крыніцы аб музеі:

Ваўкавыскі ваенно-гістарычны музей імя П.І. Баграціёна. Ekskursii.by
Ваўкавыскі ваенно-гістарычны музей імя П.І. Баграціёна. Музеи Беларуси вместе с БЕЛКАРТ